How to Make recipe of Khasta Kachori in Gujarati language?

Now a day Khasta Kachori is one of the famous food item in Gujarat. Mostly Gujarati people eat khasta Kachori like farsan..

Let’s read here recipe of  Khasta Kachori in Gujarati language

ખસ્તા કચોરી (Khasta Kachori)

khasta kachori recipe

સામગ્રી :-

સ્ટફીંગ માટે

૨ થી ૩ બાફીને સ્મેસ કરેલા બટાકા
૨ બારીક સમારેલા લીલા મરચા
૧/૨ ટૂકડો આદુ બારીક ચોપ કરેલુ
૧/૨ ટી.સ્પૂન ગરમ મસાલો
૧ ટી.સ્પૂન લાલ મરચુ
૧/૨ ટી.સ્પૂન આમચુર પાવડર
૧ ટી.સ્પકન ધાણાજીરૂ
મીઠુ સ્વાદ મુજબ
બારીક ચોપ કરેલી કોથમીર
કચોરી ના પડ માટે
૧ કપ મેંદો
૧ ટે.સ્પૂન તેલ
મીઠું સ્વાદ મુજબ
તળવા માટે તેલ

રીત :-

એક બાઉલમાં લોટ બાંધવાની બધી સામગ્રી ભેગી કરી થોડો ઢીલો લોટ બાધી ૧૫ થી ૨૦ મિનિટ રેસ્ટ આપવા માટે ઢાકી ને મૂકી દો.
હવે એક પેન માં એક ટે.સ્પૂન તેલ લઈ તેલ ગરમ થાય એટલે લીલા મરચા , આદુ ,બીજા સૂકા મસાલા નાખી હલાવો હવે તેમાબટાકા , કોથમીર નાખી મિકસ કરી ૧ મિનિટ સાતળો એટલે મસાલો બટાકા મા મિકસ થઈ જાય .હવે આ સ્ટફીંગ ને એક બાઉલમાં કાઢી ઠંડુ થવાદો.

સ્ટફીંગ ઠંડુ થાય એટલે લોટ ને કેળવી તેના થોડા મોટા લુઆ કરો.
હવે એક લુઓ લઈ તેને હાથ થીજ વાટકી જેવો શેપ આપી તેમા ૨ ચમચી સ્ટફીંગ ભરી ચારેબાજુથી બંધ કરી હથેળીથી થોડુ દબાવી ચપટુ કરવુ. આ રીતે બધી કચોરી ભરી તેલ માં ધીમા તાપે ગુલાબી તળી લેવી.
તો તૈયાર છે ખસ્તા કચોરી . એને ચટણી સથે સવૅ કરો. અથવા કચોરી માં ખાડો કરી તેમા બને ચટણી ,( ગળી, અને ગ્રીન તીખી ચટણી) સેવ ,ડુગળી નાખી ચાટ ની જેમ પણ સવૅ કરાય.

નોધં :-

* પૂરી વણી તેમા સ્ટફીંગ ભરી બંધ કરી ફરી હળવા હાથે વેલણ ફેરવી કચોરી તૈયાર કરી શકાય છે.
* આલુમાં ડુગળી નાખીને પણ સ્ટફીંગ તૈયાર થાય છે.આ ઉપરાંત આ કચોરી માટે મગની દાળનુ , અડદની દાળ નુ સ્ટફીંગ પણ કરી શકાય છે.

રસોઈની રાણી: ચાંદની ચિંતન જોશી(જામનગર)

Advertisements

Monsoon Special!! Recipe of Dal Vada in Gujarati

All Gujurati people like Dal vada in rainy season.. In Gujarat, Dal Vada is special food item for Monsoon. When Monsoon start gujju people eat Dal Vada.

Let’s try here spicy Dal Vada recipe in Gujarati language.

દાલ વડા(Daal vada)

Dal Vada recipe

Monsoon special

સામગ્રી:
૧ કપ મગની દાળ
૧ કપ અડદની દાળ
૧ લીલું મરચું ઝીણું સમારેલું
૧ ચપટી ખાવાનો સોડા
મીઠું સ્વાદ મુજબ
તળવા માટે તેલ

રીત :
૧) મગની દાળ અને અડદ ની દાળ સાફ કરીને બરાબર ધોઈને ૪-૫ કલાક માટે પાણીમાં પલાળી દો.
૨) દાળ પલળી જાય એટલે પાણી નિતારીને થોડુંક કકરું ખીરું વાટી લો.
૩) વાટેલું ખીરું એક વાડકામાં કાઢીને તેમાં ખાવાનો સોડા અને ૧/૪ ટી.સ્પૂ. મીઠું ઉમેરો. તેમાં ઝીણા સમારેલાં લીલાં મરચાં ઉમેરીને બરાબર હલાવી લો.
૪) એક કઢાઈમાં તળવા માટે તેલ ગરમ કરવા મૂકો. તેલ બરાબર ગરમ થાય એટલે દાલવડા મૂકો અને ગોલ્ડન બ્રાઉન થાય ત્યાં સુધી તળી લો. તળેલા દાલવડાને કિચન પેપર પર કાઢીને બાકીના ખીરા માંથી આ રીતે દાલવડા તૈયાર કરી લો.

રસોઈ ની રાણી:દિપીકા ચૌહાણ(નડિયાદ)

 

How to make Farali Crispy Bhajiya?

Let’s try this farali crispy and tasty recipe in this shravan month. Many of Gujarati people fast during shravan month.. Here provide farali food recipe..

Let’s try Farali Crispy Bhajiya

ફરાળી ક્રિસ્પી ભજીયા (Farali Crispy Bhajiya)

Farali Crispy Bhajiya

સામગ્રી:

3 નંગ બટાટા
2 વાટકી રાજગરા નો લોટ
1 લીલું મરચું
1 આદું નો ટુકડો
1 ટી સ્પૂન મરી પાવડર
5 ટી સ્પૂન કોથમીર
1 વાટકી છાસ
2 ટી સ્પૂન લીંબુ નો રસ
મીઠુ સ્વાદ અનુસાર
તેલ તળવા માટે

બનાવાની રીત

સૌ પ્રથમ બટાટા ની છાલ ઉતારી ખમણી લો.હવે તેમાં મીઠું નાખી 5 મિનીટ ઢાંકી ને રાખવું.
હવે એ ખમણ નો લાડવો વાળી બધું પાણી કાઢી નાંખો.
હવે તેમાં લીંબુ નો રસ,રાજગરા નો લોટ,છીણેલું આદું,ઝીણું સમારેલ લીલું મરચું, મરી પાવડર,કોથમીર અને છાસ નાખી બધું સરખું મિક્સ કરવું(ભજીયા નો લોટ થોડો કઠણ રાખવો જેથી ભજીયા સરખા ગોળ બને)
હવે ઍક પેન માં તેલ ગરમ મૂકો તેલ ગરમ થાય એટ્લે બનાવેલા મિશ્રણ માંથી ભજીયા બનાવો .તેને ધીમા તાપે ગોલ્ડન બ્રાઉન તળવા એટ્લે ક્રિસ્પી લાગશે.
તૌ તેયાર છે
ક્રિસ્પી ફરાળી ભજીયા

ગ્રીન ચટણી અથવા દહીં સાથે સર્વ કરવા.

નોંધ:

આદું મરચા વાટી ને પણ નાખી શકાય
મીઠું બટાટા ખમણા ત્યારે નાખેલું છે એટ્લે પછી નથી નાખવાનું

રસોઈ ની રાણી:સુરભી જોશી(રાજકોટ)

Recipe of Cheese stuffed batata wada/ Cheese aloo bonda/ Cheese potato wada

Mostly people or kids like cheese and potato. In Gujarat, Most of gujju people love potato and like variety foods item make by potato.

Let’s see here Recipe of Cheese stuffed batata wada/ Cheese aloo bonda/ Cheese potato wada  (ચીઝ આલુ વડા)

ચીઝ આલુ વડા(cheese aalu vada)

cheese aalu or potato vada

સામગ્રી

4 નંગ બાફેલા બટાટા
1 ચમચી વાટેલા આદું મરચાં
1 વાટકી કોથમીર
1 ચમચી લાલ મરચું પાવડર
1 ચમચી ધાણાજીરું
1/2 ચમચી ગરમ મસાલો
મીઠુ સ્વાદ પ્રમાણે
1 ચમચી ખાંડ
1 ચમચી લીંબુ નો રસ
1 વાટકી સમારેલી ચીઝ કયૂબ
1 વાટકો બેસન
મીઠું સ્વાદ પ્રમાણે
ચપટી સોડા
1/4 ટી સ્પૂન લીંબુ નો રસ
તેલ તળવા માટે

રીત

બાફેલા બટાટા ને મેસ કરી તેમાં આદું મરચા,કોથમીર,લાલ મરચું પાવડર,ધાણાજીરું,મીઠું, ખાંડ અને લીંબુ નો રસ ઉમેરી બધું મિક્સ કરી બોલ વાળો હવે બોલ ની વચ્ચે નાની ચીઝ કયૂબ મુકી પાછો બોલ વાળો આ રીતે બધાં આલુ વડા તૈયાર કરો.

હવે ઍક બાઉલ માં ચણા નો લોટ લઇ તેમાં મીઠું અને જરૂર મુજબ પાણી નાખી ખીરું તૈયાર કરો.હવે ગેસ પર તેલ ગરમ થાવા મૂકો તેલ ગરમ થાઈ જાય એટ્લે ચણા નાં લોટ નાં ખીરા માં ચપટી સોડા અને લીંબુ નો રસ ઉમેરી હલાવી લો.
હવે તેમાં બનાવેલા આલુ વડા મિશ્રણ માં નાખી રગદોળી ગરમ તેલ મ ફ્રાય કરી લો.

તૌ તૈયાર છે ચીઝ આલુ વડા

રસોઈ ની રાણી(ચાંદની ચિંતન જોશી,જામનગર)

 

How to Make Instant Dhokla in Gujarati?

Dhokla is all time favorite foods in Gujarati. All gujju and kids like dhokla ,here read full recipe of instant Dhokla..It is most favorite snack and farsan in Gujarat.

ઈનસ્ટંટ ઢોકળા (Instant dhokla)

Instant Dhokla

સામગ્રી

2 કપ રવો
1 કપ ચોખાનો લોટ
1 મોટી વાટકી ખાટું દહીં અથવા ખાટી છાસ
1 ચમચી આદું મરચા ની પેસ્ટં
મીઠુ સ્વાદ પ્રમાણે
1/4 ચમચી સોડા
કોથમીર
ચપટી લાલ મરચું પાવડર

રીત:

રવો અને ચોખાનો લોટ મિક્સ કરી તેમાં દહીં અથવા છાસ નાખી મીઠું, આદું-મરચાની પેસ્ટ નાખીને ૨૦ મિનિટ ઢાંકી રાખો. હવે એ મિશ્રણ માં થોડું પાણી ઉમેરી ઢોકળા નું ખીરું તૈયાર કરો.ઢોકળીયામાં પાણી મૂકીને ૮ થી ૧૦ ઇંચની થાળીમાં તેલ લગાવી તેમાં ગરમ કરવા મૂકો. તૈયાર કરેલા મિશ્રણમાં સોડા ઉમેરી હલાવીને થાળીમાં રેડી લો. કોથમીર અને લાલ મરચું છાંટી ૧૫ થી ૨૦ મિનિટ હળવાં ગેસ પર ચડવા દો. ચડી જાય એટલે કાપા પાડી લો. ગરમા ગરમ સર્વ કરો.

રસોઈની રાણી :ચાંદની ચિંતન જોશી(જામનગર)

How to Make Tomato Muthiya in Gujarati?

Muthiya is the most famous food items in Gujarat. It’s make a nasta or farsan type in all the Gujarati’s home. let’s try here Tomato Muthiya,it’s yummy and tasty..

Recipe of Tomato Muthiya

ટોમેટો મુઠીયા (Tomato Muthiya)

Tomato Muthiya

સામગ્રી:

1.5 વાટકી ઘઉંનો લોટ
1/2 વાટકી મિક્સ લોટ જે હોય તે (બાજરી, ચણાનો લોટ, જુવારનો લોટ, મકાઈનો લોટ, ચોખાનો લોટ)
1 વાટકી સમારેલી મેથી
1.5 વાટકી ટોમેટો પેસ્ટ
2 લીલા મરચા પેસ્ટ
1/2 વાટકી દેશી ગોળ
2 ચમચી ધાણાજીરું
1 ચમચી હળદર
3 ચમચી લાલ મરચું
મીઠું
ચપટી ખાવાના સોડા
2 ચમચા તેલ
2 ચમચા તેલ + તલ + રાય+ લીમડાના પાન + લીલા મરચા
કોથમીર
કોપરાનું ખમણ

રીત:

સૌ પ્રથમ એક વાસણમાં બધા લોટ, મેથી, મસાલા, મીઠું, તેલ, સોડા, લીલા મરચાની પેસ્ટ લઇ મિક્સ કરવું.
એક બાઉલમાં ટોમેટો પેસ્ટ લઇ તેમાં ગોળ ઉમેરી બરાબર મિક્સ કરી લેવું.
પછી લોટવાળા મિક્ષણમાં પેસ્ટ ઉમેરી મૂઠિયાંનું મિક્ષણ બનાવવું, જરૂર પડે તો જ પાણી લેવું.
પછી મુઠીયા વાળી લેવા.
સ્ટીમરમાં પાણી ઉકળે એટલે મુઠીયાને અડધી- પોણી કલાક મીડીયમ તાપે ચડવા દેવા.
પછી થોડાક ઠંડા થાય એટલે કટ કરી લેવા.
એક વાસણમાં તેલ લઇ તેમાં રાય, લીમડાના પાન, લીલા મરચા, તલ ઉમેરી વઘાર કરી મુઠીયાના કટકા ઉમેરી બરાબર મિક્સ કરી કોથમીર અને કોપરાનું છીણ ભભરાવી ગાર્નિશ કરવું.
તો તૈયાર છે ટોમેટો મુઠીયા.

રસોઈની રાણી: હિરલ રાકેશ ગામી (જામનગર)

Monsoon Special: Stuffed Bread Pakora Recipe in Gujarati

Now a day Monsoon is coming in our Gujarat.Mostly  Gujarati people love pakora is the best monsoon food item and this is the most favorite foodie item and mostly eat when rain start at Ahmedabad. Ahmedabad people like chataka item likes pakora..

Let’s try recipe of Stuffed Bread Pakora

પકોડા (Stuffed Bread Pakora)

Stuffed Bread Pakora

સામગ્રી:-

૪ સ્લાઇસ બ્રેડ
૨ ચમચી ટોમેટો કે-ચપ
૧ કપ બેસન
૧/૨ ચમચી હળદર
૧ ચમચી લાલ મરચુ
મીઠું સ્વાદ મુજબ
૧ ચમચી અજમો
૧ ચમચી જીરુ
૧/૨ ચમચી ખાંડ
ચપટી ઇનો
તેલ
રીત:-
બેસન મા મીઠું, હળદર, લાલ મરચુ, અજમો, ખાંડ ને જીરુ નાંખી બરાબર હલાવી તેમાં ચપટી ઇનો નાંખી પાણી ઉમેરી બરાબર હલાવું. ગઠ્ઠા ના રહેવા જોઈએ.

સ્ટફીંગ માટે:-

૨ બાફેલા બટાકા
૧/૨ ડુંગળી ઝીણી સમારેલી
૨ ફુદીના ના પત્તા
થોડા લીલા ધાણા ઝીણા સમારેલા
૧/૨ ચમચી મેન્ગો પાવડર
મીઠું
૧/૨ ચમચી લાલ મરચુ
૧/૪ લીલા મરચા ની કતરણ

રીત:-

બાફેલા બટાકા ને છૂંદી ને તેમાં ડુંગળી, ફુદીનો, લીલા ધાણા, લીલા મરચા ની કતરણ, મીઠું ને મેન્ગો પાવડર નાંખી બરાબર મિક્સ કરી લેવું

બ્રેડ ની ઉપર ટોમેટો કે-ચપ લગાવી સ્ટફીંગ ભરી વચ્ચે થી કાપી લેવી ને બંને સ્લાઇસ એકબીજા પર મુકી બંધ કરી લેવી.
ગરમ તેલ મા આ બ્રેડ સ્લાઇસ બેસન મા ડીપ કરી તળી લેવી.

રસોઇ ની રાણી
રૂપલ શાહ (Australia)

How To Make Gujarati Patra (Patarveliya) recipe?

Patra (Patarveliya) is the most famous food item in Gujarat. It is a Gujarati Farsan or snaks. Mostly all gujju people likes Patra.

Let’s see here Patra (Patarveliya)  in Gujarati language.

પાતરાં (patra)

Patra (Patarveliya)

સામગ્રી

750 ગ્રામ ચણાનો લોટ 2 લીલાં મચરાં,
કટકો અાદું
તલ 2 સ્પૂન
સૂંકું કોપરું 1 સ્પૂન
500 ગ્રામ અણવીનાં પાન
મીઠું સ્વાદમુજબ
મરચું 1 સ્પૂન
હળદર 1/4 સ્પૂન
ધાણાજીરું 2 સ્પૂન
ગોળ 2 સ્પૂન
અાંબલી પેસ્ટ 1 સ્પૂન
તેલ પ્રમાણસર
રાઈ 1 સ્પૂન
હિંગ ચપટી
કોથમીર 1 સ્પૂન

રીત:

*ચણાના લોટમાં મીઠું, મરચું, હળદર, વાટેલાં અાદું-મરચાં, , હિંગ અને ગોળ-અાંબલીનો જાડો રસ નાંખી, પાન ઉફર ચોપડાય તેવું ખીરું બાંધવું.

*પાનનાં ડીંટાં અને નસ કાઢી, ધોઈ, કપડાથી કોરાં કરવાં. થાળીને ઊંધી મૂકી, તેના ઉપર પાન ઊંધું મૂકવું એટલે સુંાળી બાજુ નીચે રાખવી. તેના ઉપર ખીરું ચોપડવું. ઉપરાઉપરી ત્રણ પાન મૂકવાં અને ખીરું ચોપડવું. પહેલું પાન મોટું લેવું. પછી બીજું પાન નાનું અને તેનો નીચેનો ભાગ ઉપર અને ઉપરનો ભાગ નીચે રાખવો. ત્રીજું પાન પહેલું પાન મૂક્યુ હોય તેના જેમ જ મૂકવું. બાજુની પટ્ટી વાળી તેના ઉપર પણ ખીરું લગાડવું. તેનો સખત વીંટો વાળી

*ઢોકળાના સંચામાં અથવા કૂકરમાં વરાળથી બાફવા. બરાબર બફાય અને કાળાશ ઉપર રંગ થાય એટલે ઉતારી લેવા. બરાબર ઠંડાં પડે એટલે તેના કટકા કાપી તેલમાં તળી લેવા.

*પાતરાંને વઘારીને પણ બનાવી શકાય છે. એક કડાઈ માં તેલ મૂકી, તેમાં રાઈ, હિંગ,અને તલ સૂંકું કોપરું નાંખી, પાતરાં વઘારવા.કોથમીર નાખી સર્વ કરવા.

નોંધ: લીંબુ નો રસ પણ નાખી શકો આંબલી ના બદલે 2 સ્પૂન ચોખા નો લોટ ચણા ના ખીરા માં ઉપયોગ કરી શકાય

રસોઈની રાણી – રાની સોની (ગોધરા)

How to Make Methi Muthiya in Gujarati Language?

Muthiya is the common snacks food item in every Gujarati home. Here you can try with Methi Muthiya..

Let’s see here recipe:

મેથીયા મુઠીયા (Methi Muthiya)

Methi Muthiya

સામગ્રી

1 પણી મેથી
1/2 વાટકી ઘઉં નો લોટ
1/2 વાટકી બજરા નો લોટ
1/2 વાટકી ઢોકળા નો લોટ
આદું
6 થી 8 કળી લસણ
2 નંગ લીલા મરચા
કોથમીર
1/2લાલ મરચું પાવડર
1 ચમચી ધાણાજીરું
1/2 હળદર
1 ચમચી ખાંડ
સ્વાદ અનુસાર મીઠું
ચપટી ખાવાનો સોડા
1 ટી સ્પૂન લીંબુ નો રસ
2 થી 3 ટી સ્પૂન તેલ
રાઈ
જીરું
હિંગ
લીમડાના પાન
લાલ સુકા મરચા

બનાવાની રીત

સૌ પ્રથમ મેથી ધોઈ ઝીણી સમારી લેવી હવે તેમાં, ઘઉં નો લોટ,બજરા નો લોટ,ઢોકળા નો લોટ, આદું મરચા લસણ ની પેસ્ટ,કોથમીર,લાલ મરચું પાવડર ,ધાણાજીરું,હળદર,મીઠું, ખાંડ,પાણી(જરૂર મુજબ) નાખી બધું મિક્સ કરો.હવે તેમાં ચપટી ખાવાનો સોડા નાખી તેનાં પર લીંબુ નો રસ નાખી બધુ બરાબર મિક્સ કરી મુઠીયા વાળવા. ત્યાં સુધીમાં તપેલામાં કાઠલો મૂકી તેનાથી સેજ નીચે રહે તેટલું પાણી લેવું અને તેના પર ચારણીમાં મુઠીયા મુકવા અથવા સ્ટીમરમાં તેની જાળી પર મુઠીયા ચડવા મુકવા.

મુઠીયા ચડતા 15 થી 20 મિનીટ લાગશે તો પણ ગેસ બંધ કરતી વખતે ચપ્પા ની મદદ થી જોઈ લેવું કે ચપ્પાને ચોટતું નથી ને. નહિતર હજી થોડીવાર ચડવા દેવું.થોડા ઠંડા થાય એટલે તેના કટકા કરી લેવા.

પછી એક કડાઈમાં તેલ લઇ તેમાં રાઈ,જીરું,તલ,હિંગ,લીમડાના પાનનો વધાર કરી કટકા કરેલા મુઠીયા મિક્ષ કરી લેવા. ઉપર કોથમીર ભભરાવી સર્વ કરવું
તૌ તેયાર છે મેથીયા મુઠીયા

સવારે નાસ્તા મા ચા સાથે પણ લઇ શકાય છે બાળકો ને ટિફિન મા પણ આપી શકાય

નોંધ:ઢોકળા નાં લોટ ની જગ્યા એ ચોખા નો લોટ કે ચણા નો લોટ પણ લઇ શકાય

રસોઈ ની રાણી:ચાંદની ચિંતન જોશી (જામનગર)

Make Rava Dhokla | Instant White Dhokla Recipe

Rava Dhokla is a famous as White Dhokla.. All gujju’s  Gujarati people like rava dhokla ,it’s called White Dhokla. It is a deliciously soft and spongy idli like snack prepared from rava (sooji)

Recipe of Rava Dhokla

રવા ઢોકળા (Rava Dhokla)

Rava Dhokla Recipe

સામગ્રી-

-1 કપ રવો
-1/2 કપ ખાટું દહીં
-3/4 કપ પાણી
-1 ટેબલ સ્પૂન તેલ
-1/4 ટી સ્પૂન હળદર
-1 ટી સ્પૂન આદુ-મરચાની પેસ્ટ
-3/4 ટી સ્પૂન ફ્રુટ સૉલ્ટ
-1ટેબલ સ્પૂન તેલ
-1/4 ટી સ્પૂન રાઈ
-1/2ટી સ્પૂન તલ
-2 થી 3 લીલા મરચા ઝીણા સમારેલા
-1 ચપટી હીંગ
-5 થી 7 નંગ પાન મીઠો લીમડો
-મીઠું સ્વાદાનુસાર

રીત-

રવાને તેલથી બરાબર મોઈ લો. હવે તેમાં દહીં, પાણી, હળદર, મીઠું, આદું-મરચાની પેસ્ટ નાખીને ૨૦ મિનિટ ઢાંકી રાખો. ઢોકળીયામાં પાણી મૂકીને ૮ થી ૧૦ ઇંચની થાળીમાં તેલ લગાવી તેમાં ગરમ કરવા મૂકો. તૈયાર કરેલા મિશ્રણમાં ફ્રુટ સૉલ્ટ ઉમેરી હલાવીને થાળીમાં રેડી લો. ૧૫ થી ૨૦ મિનિટ હળવાં ગેસ પર ચડવા દો. ચડી જાય એટલે કાપા પાડી લો. હવે વઘાર માટે એક વાસણમાં તેલ ગરમ કરી તેમાં રાઈ ઉમેરો રાઈ તતડે એટલે તલ, મરચા, લીમડો, હિંગ નાખો અને ઢોકળા પર આ તૈયાર થયેલો વઘાર રેડી લો. ગરમા ગરમ સર્વ કરો.

રસોઈની રાણી : નિકિતા મોદી (અમેરિકા)